Foto: Erlan Omar
Qazir Sý resýrstary jáne ırrıgasııa mınıstrligi men Ulttyq ekonomıka mınıstrligi zańdy iske asyrý úshin qajetti normatıvtik-quqyqtyq qujattardy bekitý jumystaryn atqaryp jatyr.
Mınıstrliktiń habarlaýynsha, jańa ereje boıynsha el kóleminde sýmen jabdyqtaý jáne sý burý qyzmetinde eńbek etetin 25 myńnan asa qyzmetkerdiń eńbekaqysy kóteriledi. Orta eseppen bul ósim aımaqtyq erekshelikterge qaraı 35–50 paıyz shamasynda bolady.
Sala basshysy Nurjan Nurjigitovtiń aıtýynsha, mınıstrlik mamandardyń mártebesin arttyrý men jumys jaǵdaıyn jaqsartýdy basty nazarda ustap otyr.
«Mınıstrlik sý sharýashylyǵy salasy mamandarynyń mártebesin kóterý men eńbek jaǵdaıyn jaqsartýǵa erekshe mán beredi. Mysaly, bıyl «Qazsýshardyń» barlyq 425 maýsymdyq jumysshysy turaqty jumyspen qamtyldy. Sondaı-aq sý mamandarynyń biliktiligin arttyrý boıynsha aýqymdy jumys júrgizilip jatyr, onyń ishinde shetelderde de oqytý qarastyrylǵan. Qabyldanǵan barlyq shara respýblıkadaǵy sý qaýipsizdigin qamtamasyz etýde eńbek etip júrgen azamattardyń mártebesin kóterýde eleýli progreske qol jetkizýge múmkindik berdi», dedi Sý resýrstary jáne ırrıgasııa mınıstri Nurjan Nurjigitov.
