Bul – balalarǵa arnalǵan jańa zamanaýı keshen. Joba qalanyń áleýmettik ınfraqurylymyn nyǵaıtyp qana qoımaı, balalardyń densaýlyǵyn, damýyn jáne bos ýaqytyn tıimdi ótkizýine úlken múmkindik beredi.
Josparlanǵan keshen ádettegi jataqhana nemese shaǵyn ǵımarat emes. Munda jan-jaqty jaǵdaı qarastyrylǵan. Keń sport zaly, balalarǵa arnalǵan oıyn alańshalary, bóbekterge arnalǵan qosymsha toptar bolady. Eń bastysy, múmkindigi shekteýli balalardyń da esh kedergisiz bilim alyp, oınap, ýaqyt ótkizýine arnalǵan arnaıy jabdyqtalǵan bólmeler jasaqtalady. Bul óz kezeginde ınklıýzıvti orta qalyptastyrýǵa jol ashady.
«Integra Construction» kompanııasy – elimizdegi iri qurylys uıymdarynyń biri. Kompanııa ókilderiniń aıtýynsha, alǵashqy nátıjeler bıyl jyldyń sońyna qaraı baıqala bastaıdy. Al joba tolyq aıaqtalyp, paıdalanýǵa berilýi kelesi jylǵa josparlanǵan. Iаǵnı kóp ýaqyt ótpeı-aq almatylyq balalar jańa ortalyqtyń ıgiligin kóredi.
Kompanııa basshysy Qudrat Shamıevtiń aıtýynsha, bul bastama «Integra» komandasy úshin tek qana óndiristik mindet emes, áleýmettik jaýapkershiliktiń aıqyn kórinisi.
«Bul joba – bizdiń kompanııanyń balalardyń bolashaǵyna qosqan úlesi. Árbir ul-qyzdyń sapaly bilim alyp, sportpen shuǵyldanyp, oınap, jan-jaqty damýyna jaǵdaı jasaý – basty maqsatymyz. Osylaısha, «Integra Construction» Memleket basshysynyń tapsyrmasyn naqty is júzinde oryndap, jas urpaq úshin mańyzdy áleýmettik jobany júzege asyrýǵa kiristik», deıdi ol.
Jańa keshenniń iske qosylýy Almatydaǵy balalarǵa arnalǵan ınfraqurylymdy edáýir jaqsartyp, ata-analardyń áleýmettik jaǵdaıyna da oń áser etpek. О́ıtkeni munda tek balalar ǵana emes, olardyń otbasylary úshin de yńǵaıly orta qalyptasady.
