Investısııalyq jobalardyń ıgiligi

Bul ınvestısııalar ekonomıkany ártaraptandyrýǵa, jańa jumys oryndaryn ashýǵa ári eksporttyq áleýet­ti kúsheıtýge baǵyttalǵan. Barlyq joba 2029 jylǵa deıingi Ulttyq damý jospary aıasynda júzege asyrylady.

«Bank qyzmeti makroeko­no­mı­kalyq kórsetkishtermen shektelmeıdi, basty nazar otan­das­tarymyzdyń ómir sapa­syn arttyrýǵa baǵyttal­ǵan. Biz jańa jumys oryndaryn ashýdy, sapaly taýar­lar shyǵarýdy kózdeımiz. Infra­qurylymdy damytqymyz keledi», dedi QDB basqarma tóraǵasy Marat Elibaev.

О́ńdeýshi ónerkásipte 14 jańa zaýyt salynyp jatyr. Onyń ishinde «Qazaq Soda» zaýyty, «Qaragandy Power Silicon» ferroqorytpa zaýyty, «Talas Investment Company» natrıı sıanıdi óndiretin kásiporny jáne metallýrgııa men mashına jasaý nysandary bar. Sonymen qatar energetıka salasynda 5 iri joba júzege aspaq. Bul qatarǵa 3 jańartylatyn energııa kózderi nysany, qýaty 150 MVt bolatyn Hrom­taýdaǵy jel elektr stansasy men Almatydaǵy JEO-2 men JEO-3-ti gazǵa kóshirý jumystary kiredi.

Azyq-túlik qaýipsizdigi úshin 4 aýqymdy joba qolǵa alynǵan. Túrkistan oblysyndaǵy «Ecoculture-Eurasia» jylyjaı kesheni men Almaty oblysyndaǵy «Prıma Kýs» qus fabrıkasy solardyń qatarynda.

Týrızm men áleýmettik ınfraqurylymda da mańyz­dy jobalar bar. Halyq­ara­lyq deńgeıdegi eki qonaq­úı, taý-shańǵy kesheni jáne Kókshe­taýda 630 tósektik orynǵa arna­lǵan kópsalaly aýrýha­na salynyp jatyr. Kólik ınf­ra­qurylymynda respýb­lıkalyq mańyzy bar 5 000 km avtojol qaıta jańǵyrtylady.

«Bizdiń mindetimiz – jaı ǵana qarjylandyrý emes, eldiń strategııalyq maqsattaryn turaqty ekonomıkalyq qun­dy­lyqtarǵa, naqty joba­larǵa jáne eksporttyq múmkin­dikterge aınaldyrý. Bul – keleshek urpaq úshin jasalyp jatqan jumys. Máselen, QDB halyqaralyq qarjy ınstıtýttary men eksport­tyq-kredıttik agenttikterdiń qarajatyn belsendi tartyp otyr. Bul otandyq ónimdi Orta­lyq Azııadan bastap Eýropa men Qytaıǵa deıingi naryq­tarǵa jetkizýge, son-

­daı-aq eldiń jahandyq óndi­ris­tik jáne saýda tizbekterine ıntegrasııalanýyna múm­kin­dik beredi. Mysaly, 2025 jyl­dyń birinshi jartyjyldy­ǵyn­da QDB 1,7 mlrd dollar­dan astam qarajatty naryq­tyq sharttarda tartty», deıdi M.Elibaev.