Foto: olympic.kz
50 kelide 25 boksshy jahan birinshiliginiń júldesin sarapqa salady.
Bul salmaqta Sanjar Táshkenbaı 1/8 fınalda Hýzaıfa Eshısh (Iordanııa) - Lýıs Rýnı (Irlandııa, 23 jasqa deıingi Eýropa chempıony) jubynyń jeńgenimen judyryq túıistiredi.
55 kelide 39 boksshy baq synaıdy.
Mahmud Sabyrhan jarysty 1/16 fınaldan Amır Mohammadı (Belgııa) - Ortız (Meksıka) jubynyń jeńgenimen bastaıdy.
60 keli 43 boksshy ózara kim myqtyny anyqtaıdy.
Beıbarys Jeksen 1/16 fınalda Leı (Taıpeı) - Jýnmılardo Ogaıre (Fılıppın) jubynyń qaı myqtysymen kezdesedi.
65 kelide 40 boksshy sharshy alańǵa shyǵady.
Bul salmaqta elimizde sparrıngten Parıj olımpıadasynyń qatysýshyn jeńgen Ertýǵan Zeınýllın Qazaqstan namysyn qorǵaıdy. Ertýǵan álem birinshiligin 1/16 fınalda Hýgo Graýǵa qarsy bastaıdy. Aıta keteıik otandasymyz Astanadaǵy Álem Kýbogi aıasyndaǵy úshinshi kezeńiniń shırek fınalynda Hýgo Graýdan basym túsken bolatyn.
70 keli 41 boksshy álem chempıonatyna tirkelgen. Bul salmaqta jastar sapynan eresekter quramasyna ótken Tórehan Sabyrhan
1/16 fınalda Iаche Iýsýf Islammen aıqasady. Al 1/8 fınalda Tórehan Astanadaǵy Álem Kýboginiń fınalısi Hıtesh Hıteshpen (Úndistan) jolyǵýy múmkin.
75 kelide álem chempıonatyna 24 boksshy kelgen.
Sabyrjan Aqqalyqov 1/8 fınalda Pavel Ilıýsha (Ýkraına, Azııa chempıonatynyń jartylaı fınalısi) - Mohammad Noýranı (Iran) jubynyń jeńimpazymen judyryqtasady.
80 kelide 36 boksshy sharshy alańǵa kóteriledi.
Osy salmaqta el namysyn Parıj olımpıadasynyń kúmis júldegeri Nurbek Oralbaı 1/16 fınalda Matveı Rajba (Ýkraına) - Ben Nosa Ehıs (Germanııa) jubynyń jeńgenimen judyryqtasady.
Otandasymyz fınalǵa deıin Toqtarbek Tańatqan (Qytaı), Javohır Ýmmatalıev (О́zbekstan), Robbı Gonzales (AQSh, álem chempıony), Kýba sportshysymen jolyǵýy yqtımal.
85 kelide 24 boksshy júldeden úmitti.
Bekzad Nurdáýletov 1/8 fınalda Georgıı Kýshıtashvılı (Grýzııa, 2023 jylǵy álem chempıonatynyń qola júldegeri) - Leskýr (Horvatııa) jubynyń jeńimpazymen jolyǵady.
90 kelide 25 boksshy tirkelgen.
1/16 fınalda Saǵyndyq Toǵambaı Aızek Okoǵa qarsy búgin sharshy alańǵa shyǵady. Báseke Qazaqstan ýaqytymen 22:00-de bastalady.
+90 kelide 30 boksshy baq synaıdy.
Aıbek Oralbaı 1/8 fınalda Ilııas (Túrkııa) - Islamov (Túrkimenstan) jubynyń jeńgenine qarsy judyryqtasady.
Bokstan jyldyń eń bedeldi básekesin SPORT+ arnasy tikeleı efırde kórsetedi.
