Medısına • 04 Qyrkúıek, 2025

Elimizde medısınalyq uıymdarǵa tirkeý naýqany ótip jatyr

50 ret

kórsetildi

1 mın

oqý úshin

1 qyrkúıek pen 1 qarasha aralyǵynda el azamattaryna óz emhanasyn aýystyrýǵa múmkindik beriledi. Bul rásimdi emhanaǵa barmaı-aq eGov.kz portaly nemese eGov Mobile mobıldi qosymshasynda onlaın oryndaýǵa bolady, dep jazady Egemen.kz.

Dana MYRZAQADIR

Elimizde medısınalyq uıymdarǵa tirkeý naýqany ótip jatyr

Foto: egemen.kz/ Qyrmyzy Jumaǵalıqyzy

Qyzmet polıklınıkaǵa tirkelip, ýchaskelik dárigerdi tańdaýǵa múmkindik beredi. Tańdalǵan dárigerge sáıkes medısınalyq qyzmet kórsetý aýmaǵy júıede avtomatty túrde kórsetiledi. Naýqan qorytyndylary keler jyldyń 1 qańtarynan bastap kúshine enedi. Aldyńǵy uıymnan tirkeýden shyǵarý jańa ótinim rastalǵannan keıin avtomatty túrde júzege asyrylady.

Aıta keteıik, naýqannan tys ýaqytta, basqa eldi mekenge qonys aýdarǵanda, jumys nemese oqý ornyn aýystyrǵanda, sondaı-aq polıklınıka qaıta uıymdastyrylǵan nemese jabylǵan jaǵdaıda aýystyrýǵa bolady. Mundaı jaǵdaıda qyzmetti jylyna bir ret qoldanýǵa múmkindik beriledi.