AQTО́BE. 23 maýsym. Aqtóbede Uly Jeńistiń 70 jyldyǵyna jáne Keńes Odaǵynyń Batyry Álııa Moldaǵulovanyń 90 jyldyǵyna arnalǵan XVIII oblystyq jastar men stýdentterdiń «Jas dáýren-2015» festıvali jeńimpazdaryn marapattaý saltanaty ótti. Shara qaladaǵy Qazaqstan Respýblıkasynyń Tuńǵysh Prezıdenti Nursultan Nazarbaev atyndaǵy ortalyq mádenıet jáne demalys saıabaǵynda uıymdastyryldy. Bul týraly egemen.kz tilshisi habarlady.
Nursultan Nazarbaev atyndaǵy ortalyq mádenıet jáne demalys saıabaǵynda Festıval 18 jyl boıy oblys boıynsha jas erekshelikteri 16-29 aralyǵyndaǵy talantty ónerpazdardyń basyn qosyp keledi. Bıyl shyǵarmashyl jastar estrada-vokal, aspaptyq óner, (úrmeli, halyqtyq t.b.), rep, bıtboks, kóshe bıleri, sán teatry nomınasııalary boıynsha synǵa tústi.
Festıvalda estrada-vokal nomınasııasy boıynsha bas júlde gýmanıtarlyq kolledj stýdenti Serikbolsyn Rashıdke buıyrsa, kóshe bıleri nomınasııasy boıynsha bas júldeni hromtaýlyq Bısen Baıbosynov ıelendi. «Sán teatry» jáne aspaptyq óner nomınasııalary boıynsha A.Jubanova atyndaǵy mýzyka kolledjiniń «Shabyt» dombyrashylar ansambli jáne Aqtóbe qalasyndaǵy «Brend Malıka Dýısenbaeva» jeke kásipkerligi birinshi dárejeli laýreat atandy.
Sondaı-aq, rep jáne bıtboks janryndaǵy oryndaýshy jastar da arnaıy júldelerge ıe boldy. Festıval barysynda Aqtóbe oblysynyń ákimi Arhımed Muhambetovtiń atynan halyqaralyq jáne respýblıkalyq baıqaýlar men festıvalderdiń jeńimpazdaryna, oblys mádenıeti men óneriniń damýyna, qazaqstandyq patrıotızmdi nasıhattaýǵa eleýli úles qosqan belsendi jas mamandarǵa, úzdik jastardyń ókilderine alǵys hattar men baǵaly syılyqtar tabys etildi. Olardyń arasynda Oıyl aýdandyq mádenıet úıiniń qyzmetkeri Ermuhanbet Mahmetov, T.Ahtanov atyndaǵy oblystyq drama teatrynyń akteri Áset Sısenov, Shalqar aýdandyq mádenıet úıi janyndaǵy «Saltanat» bıshiler tobynyń jetekshisi Saltanat Álibekova jáne basqalary bar.
Saltanatty marapattaý rásimine oblystyq mádenıet, muraǵattar jáne qujattama basqarmasy basshysynyń orynbasary Qydyrǵalı Ermuqan qatysty. Shara sońy gla-konsertke ulasty.
Satybaldy Sáýirbaı.
Derek, sýret: egemen.kz.
