«Sheshim negizgi makroekonomıkalyq kórsetkishter boıynsha jańartylǵan boljamdar men ınflıasııalyq táýekelder teńgeriminiń baǵalaýy negizinde qabyldandy», delingen bank habarlamasynda.
Kelesi josparly sheshim 2025 jylǵy 10 qazanda jarııalanady.
Tólemdi keshiktirgenderge nesıe berilmeıdi
Qarjy naryǵyn retteý jáne damytý agenttiginiń (QNRDA) jańa qaýlysyna sáıkes, aılyq tabysy eń tómengi kúnkóris deńgeıinen tómen azamattarmen tabysynyń jartysynan astamy qaryz tóleýge ketetinderge jańa nesıe berilmeıdi. Sondaı-aq bankten alǵan qaryzyn 30 kúnge, mıkroqaryzyn 1 kúnge keshiktirgenderge, keıingi 3 jylda tólemdi keshiktirip jasaǵandarǵa da nesıe rásimdeý qıynǵa soqpaq.
QNRDA málimetinshe, jańa talaptar shamadan tys qaryzdanýdy azaıtýǵa, táýekeli joǵary qaryz alýshylardy shekteýge baǵyttalǵan. Qazir halyqtyń jalpy nesıe qaryzy 24 trln teńgeden asyp otyr.
Úlestik qurylys erejeleri ózgerdi
Bıyl 31 tamyzdan bastap turǵyn úı qurylysyna úlestik qatysý týraly zańǵa engizilgen ózgerister kúshine endi. Turǵyn úı Kompanııasy (QTK) málimetinshe, jańa erejeler úleskerler quqyǵyn qorǵaýǵa jáne qurylys salýshylar úshin qosymsha múmkindik jasaýǵa baǵyttalǵan.
QTK endi tek kóppáterli úılerge emes, 5 qabatqa deıingi az qabatty turǵyn úılerge, keminde 50 úıden turatyn kottedj qalashyqtaryna da kepildik beredi. Kompanııa ókilderi bul úleskerlerdiń senimin arttyryp, turǵyn úı jobalaryna qatysýdy qaýipsiz etetinin aıtady.
Daıyndaǵan –
Eligimaı TО́ŃKER,
«Egemen Qazaqstan»
