Foto: UOK/ Salı Sabırov
Kúndizgi sessııada alǵash bolyp 55 keli Mahmud Sabyrhan meksıkalyq Braıan Ortıspen qolǵap túıistirdi. Otandasymyz birinshi raýndty senimdi túrde óz paıdasyna sheshti. Ekinshi raýndta tóreshiler pikiri ekige bólingenmen, 3-raýnd qorytyndysynda Mahmud Sabyrhannyń qoly kóterildi.
Odan keıin Parıj olımpıadasynyń kúmis júldegeri Nurbek Oralbaı Lıverpýlde ótip jatqan jahan birinshiligindegi alǵashqy kezdesýin ótkizdi. 80 kelide el namysyn qorǵaıtyn boksshymyz 3 raýndta da ýkraınalyq Matveı Rajbadan basym boldy. Kelesi kezeńde Nurbek Qytaı atynan óner kórsetetin etnıkalyq qazaq Toqtarbek Tańatqanmen kim myqtyny anyqtasady.
Áıelder quramasy sapynan Karına Ibragımova 1/8 fınalda jeńiske jetti. 57 kelide óner kórsetetin Karına bul kezeńde ulybrıtanııalyq Elıs Glındi 5: 0 esebimen qapy qaldyrdy.
Jeńisti joldy 70 kelige deıingi salmaqta sharshy alańǵa shyqqan Natalıa Bogdanova da jalǵady. Ol úndistandyq Sanamacha Choksomdy aıqyn basymdyqpen jeńdi.
Keshki sessııany 65 kelige deıingi salmaqta baq synap jatqan Ertýǵan Zeınýllınov qorytyndylady. Ertýǵannyń 1/16 fınalynda qarsylasy fransııalyq Ýgo Graý boldy. Alǵashqy raýndta jeńis qarsylasqa berilgenmen otandasymyz keıingi raýndatrda jeńisti julyp aldy.
Aıta keteıik, World boxing uıytqy bolǵan birinshilik 14 qyrkúıekte qorytyndylanady.
