Foto: Aqorda
«Taǵy bir mańyzdy másele, bul – týrızm. Jalpy, bul salada biraz túıtkildi másele bar. Shynyn aıtý kerek, kásibı kadrlar tapshy. Osy saladaǵy básekege qabiletimiz áli de shamaly», dedi Prezıdent.
Memleket basshysy shilde aıynda týrıstik jerlerdiń barlyǵyn retke keltirý týraly tapsyrma bergen edi. Jurt jıi baratyn demalys oryndarynan bólek, bolashaǵy zor basqa da baǵyttardyń áleýetin arttyrý mańyzdy ekeni atap ótildi.
Qasym-Jomart Toqaev mindetterdiń ara-jigin ajyratyp, jergilikti atqarýshy organdardyń árdaıym týrızm ınfraqurylymyn jan-jaqty damytýǵa basa mán berip, osy jumysqa jaýapty bolatynyn eske saldy. Al shetelden týrıster tartý máselesi jáne otandyq týrızm saıasatyn zań turǵysynan qamtamasyz etý ortalyq organdardyń nazarynda bolady.
«Osy oraıda, Almaty qalasy men Almaty oblysyndaǵy taý týrızmi men taý shańǵysy týrızmine arnaıy toqtalǵym keledi. Qazirgi tańda bul baǵyttaǵy eń ózekti másele – zamanaýı ınfraqurylym salý. Eger osy mindetti oıdaǵydaı oryndasaq, elimizdiń kýrorttary jer júzine tanylyp, Qazaqstannyń betke ustar ulttyq brendi bolmaq», dedi Memleket basshysy.
