Foto: Ashyq derekkóz
Sınoptıkterdiń málimetinshe, aldaǵy kúnderi elimizdiń kóp bóliginde batystan kelgen sıklon men oǵan baılanysty fronttar áser etip, aýa raıy turaqsyz bolady.
Keı aımaqtarda jańbyr jaýyp, naızaǵaı oınaıdy. 9–10 qyrkúıekte soltústik-batysta, 9 jáne 11 qyrkúıekte shyǵysta, al 10–11 qyrkúıekte ortalyq pen ońtústik-shyǵysta jaýyn-shashyn, burshaq jáne qatty jel kútiledi.
Sonymen qatar respýblıkanyń kóptegen óńirinde jel ekpini kúsheıip, túngi jáne tańǵy ýaqytta soltústik-batysta, soltústikte, shyǵysta jáne ortalyqta tuman túsedi. Eldiń ońtústiginde shańdy daýyl soǵady.
Temperatýralyq rejım tómendeıdi:
- Batys óńirlerde: túnde +5…+16°S, kúndiz +18…+25°S;
- Soltústik-batysta: túnde +1…+11°S, topyraq betinde 2°S-qa deıin úsik, kúndiz +8…+16°S, ońtústiginde +23°S deıin;
- Soltústikte: túnde +5…+10°S, kúndiz +9…+15°S;
- Ortalyqta: túnde +5…+13°S, kúndiz +13…+21°S;
- Shyǵysta: túnde +3…+11°S, kúndiz +10…+20°S;
- Ońtústikte: túnde +10…+20°S, kúndiz +23…+33°S.
Aıta keteıik, ońtústik-batys pen ońtústik-shyǵysta aýa temperatýrasy aıtarlyqtaı ózgermeıdi.
