Foto: Ashyq derekkóz
Úkimet otyrysynda Premer-mınıstr qazan aıyna deıin Bilim berý júıesinde jasandy ıntellektini engizý jónindegi 2025-2029 jyldarǵa arnalǵan Tujyrymdamalyq tásilder men Jol kartasyn qabyldaý qajettigin atap ótti.
Bektenovtiń aıtýynsha, olar normatıvtik quqyqtyq bazany, oqý-ádistemelik qamtamasyz etýdi, pedagogterdi daıarlaý men qaıta daıarlaýdy, aqparattyq qaýipsizdikti ázirleý jónindegi sharalardy qamtýy kerek.
«О́ńir ákimdikterimen birlesip, «Aýyl mektebi – sapa alańy» shaǵyn jınaqty mektep modelin kezeń-kezeńmen engizýdi jalǵastyrý qajet. Olardy joǵary jyldamdyqty ınternetpen, sıfrlyq bilim berý resýrstarymen qamtamasyz etý, qashyqtan oqytýdy uıymdastyrý, sondaı-aq pedagogterdi tıisti daǵdylarǵa daıyndaý jóninde naqty sharalar kózdelýge tıis. Ákimdiktermen birlesip, óńirlerde, sonyń ishinde jeke ınvestısııalardy tarta otyryp, «Sana» jańa býyn ortalyǵynyń tujyrymdamasy men tásilderin keń aýqymda qoldaný qajet», dedi Oljas Bektenov.
Budan bólek Oqý-aǵartý, Ǵylym jáne joǵary bilim mınıstrlikterine eki aı merzimde bilim alýshylarǵa úzdiksiz kóp deńgeıli ekologııalyq bilim berýdiń tujyrymdamalyq negizderin bekitýdi, sondaı-aq sıfrlyq damý mınıstrligi Ǵylym mınıstrligine ınnovasııalyq saıasat jónindegi fýnksııalardy berý máselelerin qamtamasyz etý júkteldi.
