Foto: Sý resýrstary mınıstrligi
Ol Memleket basshysynyń «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Joldaýynda aıtylǵan tapsyrmalardyń oryndalý barysyna toqtaldy.
Sý salasyn jańǵyrtý jáne ornyqty damytý jónindegi mindetterdi júıeli sheshý úshin mınıstrlik 2030 jylǵa deıingi sý resýrstaryn basqarý júıesin damytý tujyrymdamasyn, sý salasyn damytýdyń Keshendi josparyn jáne jańa Sý kodeksin qamtıtyn quqyqtyq jáne ınstıtýsıonaldyq bazany qalyptastyrdy. Bul qujattar gıdrotehnıkalyq qurylysjaılardy rekonstrýksııalaý men tehnıkalyq qaıta jaraqtandyrýdan bastap ozyq sıfrlyq tehnologııalardy engizýge deıingi negizgi nysanaly ındıkatorlar men olarǵa qol jetkizý jónindegi sharalardy bekitedi», dedi Sý resýrstary jáne ırrıgasııa mınıstri Nurjan Nurjigitov.
Mınıstrlik dereginshe, kadr máselesin sheshý úshin 2024 jyly Qazaq ulttyq sý sharýashylyǵy jáne ırrıgasııa ýnıversıteti ashyldy. Jańa oqý orny Vengrııanyń Korvınýs ýnıversıtetimen birge qos dıplomdy magıstrlik baǵdarlama usynyp otyr. Sondaı-aq Erazmýs Mýndýs jobasy aıasynda ýnıversıtet bazasynda Sý dıplomatııasy ortalyǵyn qurýǵa qarjy bólindi.
«2025 jyly sý salasynyń 125 mamany Qytaı Halyq Respýblıkasynda qabyldaýshy taraptyń esebinen oqýdan ótti. 2026 jyly taǵy 200 mamandy daıarlaý josparlanyp otyr, bul otandyq tájirıbege ozyq sheteldik tájirıbeni engizýge múmkindik beredi. Eger 2023 jyly sý salasyna qatysty mamandardy daıarlaý 9 joǵary oqý ornynda júrgizilse, 2025 jylǵa qaraı mundaı oqý oryndarynyń jelisi 13 joǵary oqý orny men 8 tehnıkalyq jáne kásiptik bilim berý uıymyna deıin keńeıtildi. 2025 jylǵy 1 qyrkúıektegi jaǵdaı boıynsha ýnıversıtet pen tehnıkalyq jáne kásiptik bilim berý uıymdarynda bilim alýshylardyń jalpy sany shamamen 2 500 adamdy quraıdy», delingen habarlamada.
Sondaı-aq Memleket basshysynyń tapsyrmasyna sáıkes, jerústi jáne jerasty sýlary týraly málimetterdi biriktiretin Ulttyq aqparattyq júıe ázirlenip jatyr. Jobany Eýrazııalyq damý bankiniń Sıfrlyq bastamalar qory qoldap otyr. Júıe 2026 jyldyń sońyna deıin tolyq iske qosylady dep josparlanǵan.
«Sonymen qatar negizgi barlyq óńirde ornalasqan 367 nysandy qosa alǵanda, uzyndyǵy 3,5 myń km-den astam sýarý kanalyn avtomattandyrý jumystary júrgizilip jatyr. 2026 jyldan bastap 103 kanaldyń rekonstrýksııasy men avtomattandyrylýy bastalady, al 2028 jyldyń qalǵan 264 kanal jańǵyrtylyp, avtomattandyrylady. 2030 jylǵa deıin mınıstrlik 14 myń km-den astam ırrıgasııalyq kanaldardy jańǵyrtý jáne rekonstrýksııalaýdy josparlap otyr. Bul sý joǵaltýdy 50%-dan 35%-ǵa deıin tómendetýge múmkindik beredi. Islam damý bankimen birlesken jobanyń birinshi kezeńi sheńberinde bıyl 96 kanaldy rekonstrýksııalaý bastalady. 2024 jyldan bastap fermerlerdi sý únemdeý tehnologııalaryn engizýge yntalandyrý úshin sý únemdeý tehnologııalaryn satyp alý jáne ornatýǵa jumsalǵan ınvestısııalyq shyǵyndardyń 80%-yna deıin óteý, sýarý sýyn normadan artyq paıdalanǵany úshin tarıfti 20%-ǵa arttyrý jáne tarıf mólsherine qaraı dıfferensıaldy sýbsıdııalaý tetikteri engizildi», delingen habarlamada.
Vedomstvonyń habarlaýynsha, 2026–2028 jyldarǵa arnalǵan jalpy sıpattaǵy transfertterdi qalyptastyrý aıasynda sý únemdeý tehnologııalaryn engizý kezindegi ınvestısııalyq shyǵyndardy óteýge 214,6 mlrd teńge qarastyrylǵan.
О́nerkásip salasynda da jańa talaptar qoıylǵan. Sý kodeksine sáıkes, aldaǵy jeti jyl ishinde kásiporyndar birtindep aınalymdyq jáne qaıta paıdalanylatyn sý júıesine kóshýge mindetti. Onyń alǵashqy eki jyly – beıimdelý kezeńi, al kelesi bes jyl – tolyq iske asyrý ýaqyty.
