Qurylys jumystaryn merdiger mekeme – «Building Group – 1» JShS-y júrgizýde. Jeke kásipkerdiń esebinen salynyp jatqan turǵyn úılerdiń qurylysy aıaqtalǵan soń, memleket tarapynan qarastyrylǵan 1,5 mıllıard teńge kólemindegi qarjyǵa barlyq úıler satyp alynady. Qurylys alańynda bolǵan aýdan ákimi Baqyt Asanov nysannyń sapasyna, qurylys qarqynyna jáne jumysshylardyń eńbek jaǵdaıyna nazar aýdardy. Sonymen qatar, merdiger kompanııa ókilderimen pikirlesip, týyndaǵan máselelerdi der kezinde sheshý, jumys kestesinen keshikpeý qajettigin aıtty.
Aıta keteıik, bul úıler birinshi kezekte kópbalaly otbasylarǵa, múgedektigi bar azamattarǵa, tolyq emes otbasylarǵa jáne turǵyn úıge muqtaj ózge de sanattaǵy azamattarǵa jalǵa beriletin bolady. Osylaısha, Fırdoýsı eldi mekeninde jańa shaǵyn aýdan boı kóterip, aýyldyń áleýeti arta túspek.
Túrkistan oblysy
