Uly Jeńistiń 80 jyldyǵyna jáne Keńes Odaǵynyń Batyry Álııa Moldaǵulovanyń 100 jyldyǵyna arnalyp, maýsym aıynda ótkizilgen is-sharaǵa Ázerbaıjan, Belarýs, Qyrǵyzstan, Reseı jáne О́zbekstannan kelgen 51 komanda qatysqan edi.
Olardyń ishinen Aqtóbe qalasyndaǵy №10 mekteptiń «Jas búrkit» klýby júırik shyǵyp, úshinshi orynǵa ıe boldy. Oqýshylar shapshańdyǵy men tapqyrlyǵy, sporttyq saıystarǵa daıyndyǵy jaǵynan erekshelenip, ozyp shyqsa da, kanıkýl kúnderine baılanysty marapattaý rásimi keshiktirildi. Qyrkúıekte oqýshylar túgel jınalǵan kezde, «Jas búrkit» klýbynyń tárbıelenýshilerine Ishki ister mınıstriniń orynbasary, Ulttyq ulan Bas qolbasshysy, sondaı-aq «Batys» óńirlik qolbasshylyǵy atynan alǵys hattar men estelik syılyqtar tabys etildi.
Marapattardy Ulttyq ulannyń «Batys» óńirlik qolbasshylyǵy qolbasshysynyń tárbıe jáne áleýmettik-quqyqtyq jumystar jónindegi orynbasary, polkovnık Baqyt Alazov tapsyrdy. Ol quttyqtaý sózinde jastardyń tabandylyǵy men birligi olardyń otansúıgishtik bolmysyn aıqyndaıtynyn atap ótti.
Aqtóbe oblysy
