ASTANA. 23 maýsym. Memlekettik qyzmetshiler kúnine oraı aımaq basshysy Qyrymbek Kósherbaev oblystaǵy birqatar memlekettik qyzmetkerlerdi quttyqtap, úzdikterdi marapattady. Bul týraly oblys ákimdiginiń baspasóz qyzmeti habarlady.
Shara barysynda oblys ákimi Qyrymbek Kósherbaev: «Memlekettik qyzmetshiler halyq pen memlekettik bıliktiń arasyndaǵy senimdi qalyptastyrýda úlken rol atqaratyny sózsiz. Sondyqtan, biz úshin memlekettik qyzmet – ultqa qyzmet etý uǵymynyń sınonımi bolýǵa tıis. Sol sebepti de Sizder ýaqytpen sanaspaı, el múddesin óz múddelerińizden árdaıym bıik ustaýlaryńyz kerek. Memlekettik qyzmetshi el seniminen shyǵa bilse, odan joǵary mártebe joq jáne odan artyq baqyt joq dep esepteımin», – dedi.
Sondaı-aq, jıynda memlekettik qyzmetshiler saltanatty túrde ant qabyldady. Oblys ákimi mereke aıasynda tórt memlekettik qyzmetshige «Úzdik memlekettik qyzmetshi» tósbelgin tabystady.
Talǵat Raıymbek.
Derek, sýret: oblys ákimdiginiń baspasóz qyzmeti.
