Foto: Úkimettiń baspasóz qyzmeti
«Kóp nárse jol erejesin jıi buzatyn kólik júrgizýshileri men jaıaý júrginshilerge, sondaı-aq jol ınfraqurylymynyń jaǵdaıyna baılanysty. Aıta ketetin jáıt, jazataıym jaǵdaılardyń basym bóliginiń aldyn alýǵa bolatyn edi. Mysaly, adamdar negizinen jaıaý júrginshiler ınfraqurylymynyń, jaryq pen trotýarlardyń joqtyǵynan ajal qushady», dedi Úkimet basshysy.
Premer-mınıstr naqty mysaldardy keltirdi. Almatydaǵy Jetisý aýdanynda Jansúgirov pen Buryndaı kósheleriniń qıylysy jıi apat oryn alatyndyqtan, turǵyndar arasynda «qaýipti ótkel» atalyp ketken. Al Astananyń Úrker turǵyn alabynda jaıaý júrginshiler ótkelderi men baǵdarshamdar múlde joq, sondyqtan ata-analar balalaryn mektepke ózderi jetkizýge májbúr.
Osyǵan baılanysty Oljas Bektenov ákimdikterge turǵyndar kótergen shaǵymdarǵa der kezinde nazar aýdaryp, qaýipti ýchaskelerde tıisti ınfraqurylymdy jedel qamtamasyz etýdi tapsyrdy.
