Budan bylaı 15 qyrkúıek - SES qyzmetkeriniń kúni retinde belgilendi.
Búginde respýblıka boıynsha 12 myńnan astam maman aýyz sý, tamaq ónimderiniń sapasy men qorshaǵ ortanyń jaǵdaıyn baqylaı otyryp, juqpaly jáne juupaly emes aýrýlardyń aldyn alyp, halyqtyń sanıtarııalyq-epıdemıologııalyq salamattylyǵyna qyzmet etýde.
QR Densaýlyq saqtaý mınıstri Aqmaral Álnazarova óziniń quttyqtaý sózinde SES mamandarynyń halyqtyń densaýlyǵyn qorǵaýdaǵy jáne bıologııalyq qaýipsizdikti nyǵaıtýdaǵy ornyn atap ótti.
«Bolashaq saqtyq medısınasyna jatady - eki ǵasyr buryn aıtylǵan bul sóz tirkesi áli de ózekti. Sizderiń jumystaryńyzdyń arqasynda elde qaýipti ınfeksııalar joıyldy, epıdemııalarǵa, sonyń ishinde COVID-19 pandemııasy kezinde senimdi tosqaýyl qoıyldy. Sizder táýlik boıy eldiń sanıtarııalyq-epıdemıologııalyq ál-aýqatyn qamtamasyz etesizder. Tańdalǵan iske batyldyqpen qyzmet etkenderińiz úshin barshańyzǵa alǵysymdy bildiremin», - dedi mınıstr.
Saltanatty is-sharada qyzmettiń 400-ge jýyq úzdik qyzmetkerleri men ardagerleri sanıtarııalyq-epıdemıologııalyq qyzmetti damytýǵa qosqan zor úlesi jáne kóp jylǵy adal eńbegi úshin memlekettik jáne vedomstvolyq nagradalarmen marapattaldy.
Osylaısha, qyzmet qyzmetkerlerine Premer-mınıstrdiń atynan 80 Alǵys hatyna qosa, Densaýlyq saqtaý mınıstriniń 3 Qurmet gramotasy tabys etildi.
Sanıtarııalyq dárigerler men epıdemıologtar qajyrly eńbegi «Eńbek ardageri», «Densaýlyq saqtaý isiniń úzdigi», «Densaýlyq saqtaý isine qosqan úlesi úshin» tósbelgilerimen, bas memlekettik sanıtarııalyq dárigerdiń atynan alǵys hattarmen, Qurmet gramotalarymen marapattaldy.
