Kesh shymyldyǵy teatrlandyrylǵan qoıylymmen ashylyp, jalǵasyn jas ónerpazdardyń áýezdi ánderi men myń buralǵan bıleri tapty. Árbir shyǵarmashylyq nómir kórermenderdiń ystyq yqylasyna bólenip, merekelik kóńil-kúı syılady.
Merekeniń eń qyzyqty bóligi balalarǵa arnalǵan otbasylyq oıyndar boldy. Oıynǵa qatysqan jeńimpazdarǵa Oqýshylar saraıynyń atynan arnaýly syılyqtar tabys etildi. Atap aıtqanda, astronomııa observatorııasyna áserli saıahat, «Saz syry» qysh sheberhanasynda shyǵarmashylyqqa jeteleıtin sheberlik sabaǵyna sertıfıkat, gıps músinderin jasaýǵa arnalǵan sertıfıkattar, ulttyq naqyshtaǵy shoper jasaýǵa arnalǵan sertıfıkat.
Bul syılyqtar balalardyń ǵylymǵa, ónerge jáne ulttyq qundylyqtarǵa qyzyǵýshylyǵyn arttyryp qana qoımaı, ár otbasyǵa jańa tájirıbe men qýanysh syılady.
Aıta keteıik, M.M. Kataev atyndaǵy oblystyq Oqýshylar saraıy – 2000-nan astam balanyń armanyn qanattandyratyn shyǵarmashylyq orda. Munda óner men ǵylym, sport pen tehnıka, medıa men teatr baǵyttary qarqyndy damyp keledi. О́tken oqý jylynda tárbıelenýshiler 162 júlde ıelense, bıyl odan joǵary jetistikterge jetýdi kózdep otyr.
