Foto: Ashyq derekkóz
Sonymen qatar «Qaırat» Chempıondar lıgasynyń negizgi kezeńinde Eýropanyń eń bedeldi klýbtarymen synǵa túsedi. Qarsylastar qatarynda «Real Madrıd» (Ispanııa), «Inter» (Italııa), «Arsenal» (Anglııa), «Brıýgge» (Belgııa), «Sportıng» (Portýgalııa), «Olımpıakos» (Grekııa), «Pafos» (Kıpr) jáne «Kopengagen» (Danııa) bar. Almatylyqtar barlyǵy segiz oıyn ótkizedi: tórteýi óz alańynda, tórteýi syrt alańda.
Týrnırdiń negizgi kezeńine 36 komanda qatysady. Birinshi týr 16 qyrkúıekte bastalyp, segizinshi týr 2026 jyldyń 28 qańtarynda aıaqtalady. Budan keıin pleı-off matchtary ótedi: 1/8 fınal – naýryzda, shırek fınal – sáýirde, jartylaı fınal – sáýir sońynda, al sheshýshi oıyn 30 mamyrda uıymdastyrylady.
Esterińizge sala keteıik, «Qaırat» bul kezeńge deıin birqatar qıyn qarsylastardy jarys jolynan shyǵardy. Aldymen slovenııalyq «Olımpııa» men fınlıandııalyq KýPS-ti, keıin slovakııalyq «Slovandy» jeńip, sońǵy pleı-offta shotlandııalyq «Seltıkti» penaltı serııasynda tize búktirdi. Osylaısha almatylyq komanda alǵash ret toptyq kezeńge joldama alyp otyr.
