Foto: Ashyq derekkóz
Tramp seısenbi kúni AQSh pen Qytaı arasynda TikTok máselesine qatysty kelisimge qol jetkizilgenin aıtty. Onyń sózinshe, «iri kompanııalar toby» platformany satyp alýǵa qyzyǵýshylyq bildirip otyr. Al kelisim sharttarynyń túpkilikti bekitilýi 19 qyrkúıekte QHR Tóraǵasy Sı Szınpınmen telefon arqyly ótetin áńgime barysynda kútiledi.
Buǵan deıin, 15 qyrkúıekte AQSh Qarjy mınıstri Skott Bessent Ispanııadaǵy kelissózder nátıjesinde Vashıngton men Beıjiń TikTok-ty AQSh baqylaýyna berý boıynsha aldyn ala ýaǵdalastyqqa kelgenin habarlaǵan edi.
Esterińizge sala keteıik, 2024 jyly AQSh-tyń 46-shy prezıdenti Djo Baıden ByteDance kompanııasyn elde óz qyzmetin toqtatýǵa nemese platformany satý jóninde zańǵa qol qoıǵan bolatyn. Alaıda Donald Tramp 2025 jylǵy 20 qańtardaǵy ınaýgýrasııasynan keıin atalǵan tyıymdy ýaqytsha shegerý týraly sheshim qabyldady.
Tramp buǵan deıin TikTok jelisine oń kózqaraspen qaraıtynyn, óıtkeni, prezıdenttik saılaýda áleýmettik jeli qoldanýshlarynyń qoldaýy onyń jeńiske jetýine yqpal etkenin aıtqan.
