Qaraǵandy oblysy Polısııa departamentiniń Esirtki qylmysyna qarsy is-qımyl basqarmasy men Abaı aýdandyq polısııa basqarmasynyń jergilikti polısııa qyzmetkerleri birlesken reıd barysynda 41 jastaǵy kúdiktiniń úı aýlasynan esirtki zattarynyń iri kólemin anyqtady.
Tekserý kezinde polıseıler 40 túp keptirilgen marıhýanany tárkiledi. Olardyń jalpy salmaǵy shamamen 5 kelini qurady. Buǵan qosa, satýǵa daıyndalǵan taǵy 5 keli keptirilgen marıhýana tabyldy. Sonymen qatar aýladan 68 túp ósirilgen qarasora plantasııasy anyqtaldy.
Atalǵan derek boıynsha asa iri kólemde esirtki zattaryn zańsyz ósirý jáne saqtaý faktisi boıynsha qylmystyq is qozǵaldy. Tárkilengen zattar saraptamaǵa jiberildi.
Qazirgi ýaqytta tergeý amaldary júrgizilýde.
«Qarasora» jedel-aldyn alý is-sharasy jalǵasyp jatyr. Polısııa organdary óńirde esirtkiniń zańsyz aınalymyna qatysty kez kelgen derekti qatań baqylaýda ustaıtynyn atap ótti.
