Respýblıka aýmaǵynda ótken sharaǵa 422 myńnan astam adam qatysty. Olardyń qatarynda 135 myńnan astam memlekettik organ ókilderi jáne 52 myńnan astam erikti boldy. Ásirese jastar belsendilik tanytyp, stýdentter men mektep oqýshylary, jastar uıymdary men volonterler qozǵalysynyń músheleri ekologııalyq jaýapkershilikti óz moıyndaryna alýǵa daıyn ekendikterin kórsetti.
Naýqan barysynda qalalyq kóshelerden bastap sý aıdyndarynyń jaǵalaýlary, saıabaqtar, orman alqaptary men eldi mekenderdiń shet aımaqtaryna deıin tazalaý jumystary júrgizildi. Nátıjesinde 9 myń gektar jer qoqystan tazartylyp, 12 myń tonnadan astam turmystyq qaldyq jınaldy.
Sonymen qatar kógaldandyrý jumystaryna erekshe kóńil bólindi. Aksııa aıasynda 18 myńnan astam aǵash pen buta otyrǵyzyldy.
Jasalǵan jumystardyń qorytyndysy elimiz tarıhyndaǵy eń aýqymdy ekologııalyq sharalardyń biri retinde tanylyp, KInES rekordtar kitabyna tirkeýge usynyldy.
Ekologııalyq aksııa «Taza Qazaqstan» ulttyq bastamasynyń aıasynda ótti. Bul joba aýmaqtardy turmystyq qaldyqtan tazartý arqyly azamattardyń jaýapkershiligin arttyrýǵa jáne ekologııalyq mádenıetti nyǵaıtýǵa baǵyttalǵan.
Uıymdastyrýshylar árbir qatysýshyǵa belsendi azamattyq ustanymy úshin alǵys bildirdi. Olardyń aıtýynsha, tabıǵatty qorǵaýǵa degen súıispenshilikpen jasalǵan qarapaıym áreketterdiń ózi úlken ózgeristerdiń bastamasyna aınala alady.
