Foto: gov.kz
Oqý-aǵartý mınıstrliginiń málimetinshe, 2024 jylǵy jeltoqsanda Qazaqstan Respýblıkasynyń «Memlekettik nagradalar, bilim berý jáne bala quqyqtaryn qorǵaý týraly» Zańymen alǵash ret árbir 5 myń balaǵa bir maman normasy qarastyrylǵan bolatyn.
Sondaı-aq óńirlerde qorǵanshylyq organdarynyń jumysyn úılestiretin jańa qurylymdardyń negizi qalanyp jatyr. Máselen, Aqtóbe oblysynda Balalardyń quqyqtaryn qorǵaý basqarmasy ashylsa, aldaǵy ýaqytta osyndaı bólimsheler Astana qalasynda jáne Qostanaı oblysynda iske qosylady.
«Jańa shtattyq norma Qazaqstan úshin alǵash ret engizilip otyr jáne halyqaralyq standarttarǵa tolyq sáıkes keledi. Bul jergilikti deńgeıde týyndaıtyn máselelerdi jedel sheshýge, sondaı-aq balalar men olardyń otbasylaryna ýaqtyly kómek kórsetýge múmkindik beredi», dedi QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
