Alǵashqysy Osakarov aýdanynda tabıǵatty qorǵaý polısııasy men jergilikti ańshylyq qoǵamynyń birlesken reıdi kezinde anyqtaldy.
«Tekserý barysynda Temirtaý qalasynyń eki turǵyny basqarǵan kólikterden jalpy salmaǵy 120 keliden asatyn buǵy eti tabyldy. Kúdiktilerdiń eshqandaı ruqsat qujaty bolmaǵan. Polısııa qyzmetkerlerimen kúdiktilerdiń qarýlary tárkilendi», deıdi Qaraǵandy oblysynyń PD baspasóz qyzmeti.
«Ohotzooprom» ınspektorymen birlesken reıd kezinde Astana qalasynyń úsh turǵyny mingen kólikten tórt kıiktiń bólshektelgen eti anyqtaldy. Bul Nura aýdanynda bolǵan oqıǵa. Olardan da tıisti qujattar tabylmady. Tintý barysynda tirkelgen myltyq pen pyshaqtar alynǵan.
Atalǵan derekter boıynsha zańsyz ańshylyqqa jáne sırek janýarlarǵa qatysty zańsyz áreketterge baılanysty qylmystyq ister qozǵaldy. Saraptamalar taǵaıyndaldy, tergeý jalǵasýda.
Qaraǵandy oblysy
