Sýretti túsirgen – Esenjol Isabek
Jańa robottyń qańqasy berik metaldan jasalǵan, qozǵalysy servoprıvodtar arqyly júzege asady. Ol ıyq, tize, shyntaq, jambas sııaqty býyndaryn erkin qımyldata alady. Basynda ornalasqan kamera nemese sensor robotqa aınalasyn kórýge, beıne men sýret jazýǵa múmkindik beredi. Sondaı-aq ony arnaıy baǵdarlama arqyly ártúrli áreketke úıretý qarastyrylǵan. Iаǵnı qurylǵy júrý, burylý, qol kóterý, tipti qımyl-qozǵalysty qaıtalaý sııaqty áreketterdi jasaıdy.
– Gýmanoıd robot tepe-teńdigin saqtap júre alady, bılep, ıilip nemese qol kóterip qımyl jasaı alady. Kamerasy qorshaǵan ortany baqylap, beınejazba túsiredi. Robotty qashyqtan basqarýǵa nemese avtonomdy rejimde jumys isteýge bolady. Negizinen oqýshylarǵa robottehnıka negizderin úıretý úshin paıdalanylady. Sonymen qatar jasandy ıntellekti jobalarynda, kompıýterlik kórý júıelerin damytýda, tájirıbelik jarystar men olımpıadalarda qoldanýǵa qolaıly, – dep habarlady óńirlik bilim berý basqarmasynan.
Bilim uıalary jańa tehnologııany oqytý úderisinde tıimdi paıdalanyp, oqýshylardyń shyǵarmashylyq oılaý qabiletin, ınjenerlik daǵdylaryn jáne ǵylymı zertteý áleýetin arttyrýdy kózdep otyr.
Pavlodar oblysy
