Foto: egemen.kz/ Erlan Omar
2024 jyly 2,1 mıllıonnan astam qazaqstandyq memlekettik syıaqy aldy. Onyń ishinde ár tórtinshi salymshy eń joǵarǵy mólsherge qol jetkizdi. Otbasy bankiniń salymshylarynyń arasynda jas otbasylar da, stýdentter de, tipti zeınetkerler de bar. Bireýler úshin bul – alǵashqy baspaldaq, endi bireýler úshin – jınaqtyń senimdi ári tıimdi ekenin kórsetetin múmkindik.
Otbasy banktegilerdiń aıtýynsha: memlekettik syıaqy alý úshin depozıtti tolyqtyryp otyrý kerek. Depozıtke qarajatty aı saıyn az-azdan nemese birden iri somamen salýǵa bolady. Eń bastysy – jyl sońyna deıin úlgerý. Tipti qazir jańa klıent bolyp depozıt ashsańyz da, bıylǵy syıaqyny ala alasyz.
Memleket syıaqysy buryn syıaqy berilmegen jınaqtarǵa ǵana esepteledi. Ár jyly shota jańa túsimder jáne ótken jyly syaqy berilmegen jınaq qaldyǵy eskerileli. Eger ótken jyly syıaqy berýge jatatyn depozıttegi soma 200 AEK-ten assa, onda qalǵan aıyrmashylyqtaǵy somaǵa bıylǵy jyly memlekettik syıaqyny esepteý kezinde eseptelegi.
Qazir Otbasy bankinde elimiz boıynsha 3 mıllıonnan astam salymshy tirkelgen. Olardyń árqaısynyń óz armany men maqsaty bar. Mysaly, astanalyq Qalımjanovtar otbasy birneshe jyl boıy qarajat jınap keledi. 2025 jyldyń memlekettik syıaqysy qosylǵan soń, olar «Otbasylyq paket» qyzmetiniń kómegimen barlyq depozıtterin biriktirip, elordanyń sol jaǵalaýynan eki bólmeli páter alýdy josparlap otyr.
«Memlekettik qoldaý men Otbasy bankiniń yńǵaıly baǵdarlamalary bizge «óz baspanamyz – qol jetpeıtin arman emes» ekenin kórsetti. Eń bastysy – jınaqtaýdy úırený. Bizge tıimdi jınaýǵa «Otbasylyq paket» qyzmeti kómektesti. Bul qyzmet arqyly otbasy músheleri óz depozıtterin ashyp, júıeli túrde tolyqtyryp, keıin biriktirip nesıe ala alady», deıdi Jánibek Qalımjanov.
Úıge tezirek jetýdiń bir joly – «Armanǵa jol» baǵdarlamasy. Ol úshin jumys ornyndaǵy býhgalterııaǵa ótinish jazý jetkilikti. Sodan keıin jalaqynyń bir bóligi avtomatty túrde depozıtke aýdarylady.
Taǵy bir joly «Otbasy bank» mobıldi qosymsha arqyly avtotólem ornatý. Bul yńǵaıly: aqsha árdaıym ýaqytynda túsedi, al sizdiń jınaqtaýdy durys júrgizý tártibi saqtalady.
