Foto: Senattyń baspasóz qyzmeti
Sharaǵa Ádil Ahmetov, Mereke Qulkenov, Baıanǵalı Álimjanov, Janǵara Dádebaev, Dıhan Qamzabekuly, Maqpal Jumabaı jáne basqa da belgili qalamgerler men qoǵam qaıratkerleri qatysty.
Kezdesýde eki el arasyndaǵy mádenı-gýmanıtarlyq yntymaqtastyqty arttyrý máseleleri talqylandy. Máýlen Áshimbaev ádebıet pen ónerdi nasıhattaý, mádenı murany sıfrlyq keńistikte saqtaý jáne birlesken jobalardy iske asyrýdyń mańyzyn atap ótti.
«Búgingi kúni Qazaqstan men Qyrǵyzstannyń zııaly qaýymynyń aldynda mańyzdy mindetter tur. Ásirese, eki eldiń ádebıeti men ónerin keńinen nasıhattaýǵa basymdyq berilýi kerek. Osy jumystyń aıasynda belgili aqyn-jazýshylardyń dáristerin uıymdastyrýdy usynamyz. Mádenı muralar men ádebı shyǵarmalardy sıfrlyq keńistikte saqtaýdyń da mańyzy zor. Osy maqsatta ǵylymı eńbekter, aýdıokitaptar taratý, vırtýaldy murajaılar uıymdastyrý jáne basqa da jobalarddyń elektrondy nusqasyn birelese ázirleýimiz kerek. Biz óz tarapymyzdan osy bastamalardy júzege asyrýda qajetti qoldaý kórsetýge daıynbyz», dedi Máýlen Áshimbaev
Sonymen qatar Senat Tóraǵasy Qyrǵyz Respýblıkasynyń birqatar qoǵam qaıratkerin Qazaqstannyń memlekettik jáne parlamenttik nagradalarymen marapattady.
Osy kúni Senat Tóraǵasy Máýlen Áshimbaev Qyrǵyz Respýblıkasy Jogorký Keneshiniń Tóraǵasy Nurlanbek Turǵynbekýýlýmen kezdesti.
Kezdesýde parlamentaralyq yntymaqtastyqtyń basym baǵyttary talqylanyp, Memleket basshylarynyń bastamalaryn zańnamalyq turǵydan qoldaý qajettiligi atap ótildi.
О́z kezeginde Nurlanbek Turǵynbekýýlý Senat Spıkerine forýmǵa qatysqany úshin alǵys bildirip, eki el arasyndaǵy dostyq qarym-qatynastardy nyǵaıtýǵa múddeli ekenin jetkizdi.
