Foto: ortcom.kz
2025 jyldyń alǵashqy alty aıynda aýmaqtyq departamentter 1170 mekemede attestasııa júrgizip úlgergen. Tekserý barysynda oqý úderisiniń memlekettik standarttarǵa jáne biliktilik talaptaryna sáıkestigi baǵalanyp, problemalyq tustar anyqtalǵan.
«О́tken jyly Komıtet pen onyń aýmaqtyq departamentteri 2487 bilim berý uıymynda túrli tekserýler júrgizdi, onyń ishinde memlekettik attestattaý, profılaktıkalyq baqylaý, shaǵymdar boıynsha jospardan tys tekserýler júrgizildi. Tekserý nátıjesinde muǵalimderdiń biliktiligin arttyrý kýrstarynyń ýaqtyly aıaqtalmaýy, mektepterdiń materıaldyq-tehnıkalyq bazasynyń talapqa saı qamtamasyz etilmeýi faktileri anyqtaldy», dep atap ótti Bilim salasynda sapany qamtamasyz etý komıtetiniń tóraǵasy Serik Áshirov.
Vedomstvo ókilderi baqylaý jumystarynyń basty maqsaty – bilim sapasyn kóterý ári pedagogterdiń quqyqtaryn qorǵaý ekenin atap ótti.
