Foto: Úkimettiń baspasóz qyzmeti
Saýda-ekonomıkalyq jáne ınvestısııalyq baǵyttardaǵy ekijaqty yntymaqtastyqqa, sonyń ishinde birlesken kásiporyndar ashýǵa, jańa óndiris oryndaryn qurýǵa, sondaı-aq kólik-tranzıttik, mádenı-gýmanıtarlyq jáne sıfrlyq salalardaǵy ózara is-qımylǵa nazar aýdaryldy.
Arnaıy talqylanǵan baǵyttardyń biri – sıfrlandyrý jáne jasandy ıntellektini damytý salasyndaǵy uzaq merzimdi áriptestik. Bul bastamalar Qazaqstandaǵy sıfrlyq transformasııany júzege asyrý jónindegi Úkimettiń maqsattaryna sáıkes keledi.
«Majarstan – Qazaqstannyń Eýropalyq Odaqtaǵy mańyzdy seriktesi. О́tken jyly taýar aınalymy 6%-ǵa ósip, shamamen $200 mln-dy qurady. Bıylǵy alǵashqy 7 aıda kórsetkish 27%-ǵa ósip, $150 mln-nan asty. Qazaqstan Majarstanǵa 95 taýar pozısııasy boıynsha eksportty keńeıtýge daıyn, bul saýdanyń ósýi úshin eleýli perspektıvalar ashady. Kólik-logıstıka salasy da yntymaqtastyqtyń mańyzdy baǵyty bolyp qala beredi. Transkaspıı halyqaralyq kólik marshrýty Transeýropalyq kólik jelisine qosylyp, qazaqstandyq júkterdiń Eýropaǵa jetkizilýin qamtamasyz etedi. Yntymaqtastyqty odan ári nyǵaıtý úshin Majarstannyń L.A.C. Holding kompanııasymen birlesip, 2026 jyly Býdapeshtte ıntermodaldy termınal salý josparlanyp otyr», dep habarlady Úkimettiń baspasóz qyzmeti
Sonymen qatar Ekonomıkalyq yntymaqtastyq jónindegi úkimetaralyq komıssııanyń jumysy qaraldy. Kezdesýge qatysýshylar ekijaqty tıimdi ekonomıkalyq baılanystardy ári qaraı damytýǵa daıyn ekenderin bildirdi.
