Bilim • 26 Qyrkúıek, 2025

Halyqaralyq seriktestik pen Certiport sertıfıkaty: qazaqstandyq stýdentter jahandyq naryqqa shyqty

70 ret

kórsetildi

1 mın

oqý úshin

Qazaqstannyń tehnıkalyq jáne kásiptik bilim berý júıesinde ınternasıonalızasııa úderisi qarqyn ala bastady. Bıyl elimizdiń kolledjderine 7 sheteldik oqý orny ıntegrasııalanyp, strategııalyq áriptestik ornatyldy. Seriktes memleketterdiń qatarynda Qytaı, Ońtústik Koreıa, Fransııa, Túrkııa, Japonııa, Ulybrıtanııa jáne Grýzııa bar, dep jazady Egemen.kz.

Aıana TOǴANBEK

Halyqaralyq seriktestik pen Certiport sertıfıkaty: qazaqstandyq stýdentter jahandyq naryqqa shyqty

Oqý-aǵartý mınıstrliginiń málimetinshe, jańa birlesken baǵdarlamalar stýdentterge qosymsha oqý jáne tájirıbe múmkindikterin usynyp qana qoımaı, Qazaqstannyń bilim berý salasyndaǵy halyqaralyq bedelin arttyrýǵa jol ashpaq. Aldaǵy ýaqytta jahandyq kampýstar qurý, akademııalyq utqyrlyqty keńeıtý, sheteldik stýdentter men oqytýshylardy tartý, sondaı-aq halyqaralyq akkredıtasııany júzege asyrý kózdeldi.

Budan bólek, stýdentterdiń kásibı biliktiligin halyqaralyq deńgeıde rastaý maqsatynda Certiport jobasy iske qosyldy. Joba aıasynda alǵashqy 11 stýdent IT salasynda halyqaralyq sertıfıkattarǵa ıe bolyp, jahandyq eńbek naryǵynda ózderiniń básekege qabilettiligin dáleldedi.

Sheteldik seriktestermen ornatylǵan yntymaqtastyq Qazaqstan kolledjderindegi bilim berý sapasyn jańa deńgeıge kóterip, jastardyń álemdik tájirıbe men standarttarǵa saı kásibı biliktilik alýyna múmkindik beredi.