Demalys aımaǵy Qoıshymanov-Almaty kósheleriniń qıylysynda ornalasqan. Nysannyń jalpy aýmaǵy 6527 sharshy metrdi quraıdy.
Aımaq tolyqtaı kógaldandyrylǵan, sándik aǵashtar men kópjyldyq ósimdikter otyrǵyzylǵan, oryndyqtar, átkenshekter men landshafttyq elementter retimen ornalastyrylyp, kóńil toǵaıtady. Keńistik ekologııalyq, fýnksıonaldyq jáne estetıkalyq talaptarǵa saı jasaqtalýymen erekshelenedi.
Mundaǵy basty nysan – «О́mir aǵashy» atty art-nysan. Ol Altyn Adam kıim úlgileriniń elementteri beınelengen tas qurylym túrinde oryndalǵan. Qasynda osy beınelerdiń tarıhı mańyzyn baıandaıtyn QR-kod ornatylǵan.
Munda jaıaý júrginshi joldary, fotoaımaqtar, qorshaý men arkalyq qurylymdar qarastyrylǵan. Arnaıy ázirlengen tujyrymdamaǵa sáıkes, bul jańa keńistik jaı ǵana demalys orny emes, otbasylyq serýen men mádenı demalystyń mekenine aınalary anyq.
Almaty oblysy.
