Selınograd aýdanyna qarasty Qoıandy aýylynda turǵyndardy memlekettik elektr jelilerine qosý jumystary bastaldy. Bul jobany Selınograd aýdany ákimdigi men «AEÚK» aksıonerlik qoǵamy birlesip atqarýda. Ústimizdegi jyldyń 24 qyrkúıeginde alǵashqy qadam jasalǵan bolatyn.
Uzaq ýaqyt boıy aýyl turǵyndary jeke transformatorlyq qosalqy stansııalardyń qyzmetin paıdalanýǵa májbúr bolyp kelgen edi. Bul jaı birqatar qolaısyzdyqtar týǵyzǵan. Búginde aıta qalarlyqtaı jańa kezeń bastalýda. Memleket barlyq abonentterdi senimdi ári qaýipsiz elektr energııasymen qamtamasyz etý óz moınyna alyp otyr. Selınograd aýdany ákimdiginde atap ótkenindeı, Qoıandy aýylynda «Aýyl – el besigi» ulttyq jobasy aıasynda elektr jelileriniń qurylysynyń ekinshi kezeńi aıaqtalýda. Joba aıasynda 2 taratý jáne 16 transformatorlyq qosalqy stansııa, shamamen 9000 baǵana ornatý qarastyrylǵan. Jelilerdiń jalpy uzyndyǵy 178 shaqyrym.
Qalǵan abonentterdi jelige qosý jumystary kezeń-kezeńimen júrgiziledi.
Selınograd aýdany,
Aqmola oblysy.
