Arnaýly memlekettik qordan bólingen qarajatqa jáne «Aýylda densaýlyq saqtaýdy jańǵyrtý» ulttyq jobasymen Muǵaljar aýdanynyń Muǵaljar aýylynda salynǵan ambýlatorııaǵa 300 mln teńge jumsaldy. Osy emdeý mekemesiniń birneshe dárigeri men orta medısınalyq qyzmetkerlerine 1,5 myń aýyl turǵyny bekitilgen. Olar kelýshilerdi qabyldap qana qoımaı, zerthanalyq taldaýlar júrgizip, turǵyndardy skrınıngten de ótkizedi.
Táýligine 45 turǵyn qabyldaı alatyn mekeme qajetti jabdyqtarmen qamtamasyz etilgen.
Baıǵanın aýdanynyń Noǵaıty aýylynda da 190 mln teńgege feldsherlik-akýsherlik pýnkt ashyldy. Alys aýyldaǵy turǵyndardyń densaýlyǵyn baqylap, qajet bolǵan jaǵdaıda alǵashqy járdem kórsetýge daıyn emdeý mekemesi táýligine 40 turǵyndy qabyldaıdy. Qaıtarylǵan qarjyǵa salynǵan taǵy bir emdeý mekemesi –Yrǵyz aýdany Jarma aýylyndaǵy medısınalyq pýnkt. Onyń qurylysyna 145 mln teńge jumsaldy. Taıaý aralyqta Alǵa aýdanynyń Marjanbulaq aýylyndaǵy dárigerlik ambýlatorııa da paıdalanýǵa beriledi.
Aqtóbe oblysy.
