Ekologııalyq bastamadan Kerbulaq aýdanynyń turǵyndary da qalys qalmaı, belsendilik tanytty. Jyl basynan beri aýdanda 30-ǵa jýyq tazalyq sharasy uıymdastyrylyp, oǵan 3 myńnan astam adam qatysty. Sonyń nátıjesinde 2 myń tonnadan astam qoqys shyǵarylyp, saıabaqtar men demalys oryndaryna jańa kóshetter otyrǵyzyldy.
Aksııaǵa qatysqan Saryózek kentiniń turǵyny Bóken Rysbekov tabıǵatqa janashyrlyq tanytýdyń mańyzdylyǵyna toqtaldy.
– Qorshaǵan ortany qorǵaý – árbir azamattyń boryshy. «Taza bolsa tabıǵat – aman bolar adamzat» dep halqymyz beker aıtpaǵan. Tabıǵatty aıalaý arqyly biz ózimizdiń bolashaǵymyzdy qorǵaımyz. Sondyqtan ár turǵyn senbilikke qatysyp, tazalyqty óz úıinen bastap, aýyl-aımaǵyna deıin úles qosýy qajet, – dedi ol.
Uıymdastyrýshylardyń aıtýynsha, mundaı sharalar Jetisý óńirinde aldaǵy ýaqytta da turaqty túrde jalǵasyn tabatyn bolady.
