Sýretti túsirgen – Erlan OMAR, «EQ»
Azyq-túliktiń 12 ataýly túri oblys kóleminde 212 áleýmettik dúken men áleýmettik saýda núktelerinde satylyp jatyr. «Pavlodar» áleýmettik-kásipkerlik korporasııasy» AQ turaqtandyrý qory azyq-túlik qaýipsizdigin qamtamasyz etý departamentiniń dırektory Azamat Dándibaevtyń aıtýynsha, kúz maýsymynda kóptegen azyq túrine tutynýshylar tarapynan suranystyń joqtyǵyna nemese kúrt azaıýyna baılanysty qorda arnaıy tizimge enetin ónimderdiń keıbiri kezdespeıdi. Máselen, naryqtaǵy baǵanyń arzandaýyna baılanysty kókónis ónimderine suranys múlde joq. Eger qorda azyq-túliktiń belgili bir túriniń saqtalý merzimi aıaqtalyp qalsa nemese kóp turyp qalsa, onda ol shartty túrde jetkizýshige qaıtarylady. Jetkizýshi ony keıin jańa ónimmen jańartyp beredi.
– Qorda shamamen 9,9 myń tonna kóleminde 12 túrli azyq-túlik bar (birinshi surypty bıdaı uny, ıodtalǵan tuz, makaron ónimderi, qant, kúrish, kúnbaǵys maıy, pııaz, qyryqqabat, sábiz, kartop, qaraqumyq jarmasy, birinshi surypty taýyq jumyrtqasy). Barlyǵy aldaǵy aılarǵa jetkilikti kólemde jınalǵan. О́ńirlik turaqtandyrý qoryn qalyptastyrýǵa, paıdalanýǵa qarajatty jergilikti atqarýshy organdar bóledi. О́nimderimiz kelisimshart jasalǵan óndirýshilerde (jetkizýshilerde) saqtalady. Qajet bolǵan jaǵdaıda qorǵa jetkizip beredi. Oblys ortalyǵyna ákelingen azyq-túlikter jergilikti qoımada saqtalyp, odan ári oblystyń seriktes dúkenderine jedel satylyp otyrady, – dep túsindirdi A.Dándibaev.
Oblysta birinshi surypty un, taýyq jumyrtqasy, qaraqumyq jarmasy, kartop, sábiz sııaqty óz ónimderin turaqty ótkizip otyratyn 10 aýyl sharýashylyǵy taýaryn óndirýshi bar. Turaqtandyrý qory Aýyl sharýashylyǵy mınıstrligi usynǵan ótinimderge sáıkes, ár 3 aıǵa qajettiliktiń 50%-na deıingi kólemde qalyptasady.
– Satylymǵa shyǵatyn azyq-túliktiń baǵasy árdaıym nazarda. Saýda sýbektileri bakaleıa ónimine 10%-dan aspaıtyn, kókónis pen kartopqa 15%-dan aspaıtyn ústemeaqy qosýǵa erikti, – dep qosty qor ókili.
Atap óterligi, Pavlodar oblysy azyq-túliktiń arzandyǵy jóninen 12 pozısııa boıynsha respýblıkadaǵy TOP-5-ke kirip otyr. Olar – birinshi surypty un, kúrish, qaraqumyq jarmasy, sary maı, kúnbaǵys maıy, sút (2,5%), aıran (2,5%), súzbe, kartop, sábiz, pııaz, qyryqqabat. Baǵany yryqtandyrý jaǵynan oblystyń pozısııasy jaqsara túskeni baıqalady. Byltyr bul ýaqytta TOP-5-ke atalǵan óńirden 7 azyq-túlik túrli ǵana engen bolatyn.
Pavlodar oblysy
