Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetine súıensek, ǵasyr jasaǵan qarııalardyń eń kóbi Panfılov aýdanynda turady — 11 adam. Taldyqorǵanda — 5, Kerbulaqta — 3, Eskeldide — 2, Qaratal aýdanynda — 1 adam tirkelgen. Aımaqtaǵy jalǵyz soǵys ardageri, 101 jastaǵy maıdanger Ysqaq Qusaıynov ta osy tizimde bar.
1-10 qazan aralyǵynda Halyqaralyq qarttar kúnine oraı oblys kóleminde túrli is-sharalar josparlanǵan. Atap aıtqanda, emhanalar men mýzeılerde ashyq esik kúnderi, qaıyrymdylyq aksııalary, ádebı-mádenı keshter, mektepterde tárbıe saǵattary uıymdastyrylady. Sonymen qatar, 2500-ge jýyq jalǵyzbasty qarııanyń úıin eriktiler tazalap bermek. Sport ardagerleriniń qatysýymen 40-tan asa sporttyq jarys ótedi.
Jalpy, Jetisý oblysynda 95 myńǵa jýyq zeınetker bar. Olardyń belsendi ómir súrýine qoldaý kórsetý maqsatynda birneshe aýdanda "Uzaq ómir súrý ortalyqtary" jumys isteıdi. Zeınetkerler úshin qoǵamdyq kólikte tegin júrý múmkindigi qarastyrylǵan, al múmkindigi shekteýli jandarǵa shıpajaılyq emdelýge arnalǵan arnaıy baǵdarlamalar usynylady.
Oblys basshylyǵynyń aıtýynsha, qarııalarǵa qoldaý kórsetý — qoǵam aldyndaǵy basty mindetterdiń biri.
