Foto: Eńbek jáne halyqty áleýmettik qorǵaý mınıstrligi
2024 jyly 96,9 myńnan astam ótinim syrttaı formatta qaralǵan, bul kýálandyrýdan ótken múmkindigi shekteýli jandardyń jalpy sanynyń 37,4%-yn quraǵan.
Eske salaıyq, Ulttyq qoǵamdyq senim keńesiniń VI otyrysynda Memleket basshysy erekshe qajettilikteri bar adamdar úshin barynsha qolaıly jaǵdaı jasaýdy, olardyń ınstansııalar men qaǵazbastylyq boıynsha júrýin jáne sondaı-aq kórsetiletin qyzmetti berýshilerdiń qyzmet alýshylarmen baılanysyn boldyrmaýdy tapsyrǵany málim.
Sol tapsyrmany oryndaý maqsatynda Eńbek jáne halyqty áleýmettik qorǵaý mınıstrligi Densaýlyq saqtaý men Sıfrlyq damý, ınnovasııalar jáne aeroǵarysh ónerkásibi mınıstrlikterimen birlesip, barlyq 20 óńirde pılottyq rejımde medısınalyq-áleýmettik saraptama (MÁS) júrgizýdiń syrttaı formaty boıynsha jobany iske asyryp jatyr.
Eńbek jáne halyqty áleýmettik qorǵaý mınıstrliginiń málimetinshe múgedektik tobyn belgileý jónindegi qyzmetti alý úshin ótinish berýshige turǵylyqty jeri boıynsha emhanaǵa júginý jáne qajetti tekserýden ótý qajet, qalǵan prosester aqparattyq júıelerdi ıntegrasııalaý esebinen onyń qatysýynsyz ótedi.
Syrttaı kýálandyrýǵa kóshý:
- ákimshilik jáne bıýrokratııalyq kedergilerdi joıady;
- MÁS saraptamalyq sheshimderiniń ashyqtyǵyn qamtamasyz etedi;
- múgedektikti belgileý jáne múgedektigi bar adamdardy áleýmettik qorǵaý sharalaryn anyqtaý boıynsha qyzmetterdi úıden shyqpaı-aq alýǵa múmkindik beredi;
- kórsetiletin qyzmetti alýshynyń kórsetiletin qyzmetti berýshimen tikeleı baılanysyn boldyrmaıdy, sol arqyly sybaılas jemqorlyq táýekelderin azaıtady.
