Foto: IIM
Qoǵamdyq tártipti saqtaý, azamattardyń qaýipsizdigin qamtamasyz etý, jedel is-sharalar men halyqpen kúndelikti qarym-qatynas sátteri beınelengen fotokórmede polısııa qyzmetkerleri ár fotosýretti túsindirip, naqty jaǵdaıda qalaı túsirilgenin de baıandady.
Erlik kórsetken tártip saqshylarynyń oqıǵalary da áńgimelenip, olardyń batyldyǵy men adaldyǵy kórermenderge úlgi retinde usynyldy.
Ishki ister mınıstrliginiń málimetinshe kórmeniń basty maqsaty – polısııa qyzmetiniń kópqyrlyǵyn kórsetý, zańǵa adal qyzmet etýdiń mańyzyn jetkizý jáne halyq pen tártip saqshylary arasyndaǵy senimdi nyǵaıtý. Kórme qonaqtary batyldyq pen jaýapkershiliktiń shynaıy sátterin tamashalap, polısııa qyzmetkerleriniń jumysyna jaqynyraq kóz jetkize aldy.
