Pavlodar qalasynyń ákimdigi málim etkendeı, qoǵamdyq kóliktiń marshrýttyq jelisin ońtaılandyrýǵa qatysty bir aıǵa sozylǵan keshendi jumys aıasynda 11 marshrýtty ońtaılandyrý, 2 tıimsiz baǵytty joıý josparlanǵan. Qozǵalys syzbalaryn túzetý kóliktik qoljetimdilikti, azamattardyń ótinishterin taldaý, sondaı-aq naqty jolaýshylar aǵyny men marshrýttardyń júktelý deńgeıin baǵalaý negizinde júzege asyrylǵan. Nátıjesinde, jolaýshylar óte az júretin, qalalyq bıýdjetke eleýli júkteme túsirip kelgen (166 mln teńgeden astam) №5, №6, №17 marshrýttar joıyldy. Bul baǵyttarda qosymsha ózge avtobýstar men tramvaı marshrýttary bar.
Budan bylaı qala mańyndaǵy №40, 41, 38, 66 marshrýttar temirjol vokzalyna deıin júretin boldy. Sheshim temirjol vokzaly aýdanyndaǵy damyǵan kólik júıesin eskere otyryp qabyldandy. Aýmaqta jolaýshylar aǵyny 60 000 tranzaksııaǵa ósken. №66, 40 marshrýttar uzyndyǵynyń aıtarlyqtaı qysqarýyn eskere otyryp, jolaýshylarǵa bir saǵat ishinde tegin aýysyp miný tetigi engizildi. Bir aıda 56 591 adam tegin aýysyp miný qyzmetin paıdalandy.
Sondaı-aq temirjol vokzalynan Ýsolka shaǵyn aýdanyna deıin júretin №66A baǵyty engizildi. Marshrýttaǵy ortasha jolaýshylar aǵyny qazirdiń ózinde 2 myń tranzaksııadan asady. Qysqartylǵan qozǵalys shemasy men 14 mınýtqa deıingi aralyq-tyń arqasynda marshrýttaǵy jolaýshylar aǵyny odan ári ósýge tıis. Osylaısha, túrli baǵyttardaǵy qoljetimdi reıster sany ulǵaıtylyp, eki baǵytta marshrýttyń yńǵaılylyǵy men ıkemdiligi artqan.
Avtobýs jelilerin qaıta qaraý, avtobýstar sanyn 262-den 252-ge deıin qysqartý esebinen marshrýttarǵa qyzmet kórsetýge arnalǵan paıdalaný shyǵyndary aıtarlyqtaı tómendegen. Jolaýshylar aǵynynyń 10%-ǵa artýy tirkelgen (kúnine
169 441-den 186 814 tranzaksııaǵa deıin). Ákimdik ókilderi tasymaldaýshylardy sýbsıdııalaý kólemin qysqartý esebinen bıýdjet qarajaty jyl saıyn 4 mlrd teńgege únemdeletinin jetkizdi.
PAVLODAR
