Kezdesýge Qazaqstannyń Azamattyq alıansy prezıdenti Baný Nurǵazıeva jáne QR Mádenıet jáne aqparat mınıstrligi Azamattyq qoǵam isteri komıteti tóraǵasynyń orynbasary Janargúl Áljanova qatysty.
Búginde elimizde shamamen 680 myń stýdent bilim alýda. Kezdesý barysynda qatysýshylar stýdentterdi tolǵandyratyn ózekti máselelerdi talqylady. Atap aıtqanda, áleýmettik belsendi jastarǵa bilim granttaryn bólý, jeńildik sanatyndaǵy stýdentterdi qoldaý, volonterlik qyzmetti damytý jáne pedagog-psıhologtardy daıarlaý taqyryptary qozǵaldy.
Kezdesý qorytyndysy boıynsha qatysýshylar memleket pen úkimettik emes uıymdar arasyndaǵy júıeli ózara baılanystyń mańyzyn atap ótti. Ashyq dıalog pen birlesken sheshimder bilim sapasyn arttyrýǵa jáne jastardyń memlekettiń qoǵamdyq ómirine belsendi qatysýyna múmkindik beretini aıtyldy.
Bul kezdesý ortalyq memlekettik organdar basshylyǵy men azamattyq sektor arasyndaǵy kezdesýler serııasynyń jalǵasy. Mundaı formattaǵy dıalog ózara senimdi nyǵaıtýǵa, ashyqtyq pen yntymaqtastyqty damytýǵa baǵyttalǵan.
