Kásipkerdiń taǵy bir jańashyldyǵy – óz baqshasynda ósirgen kókónisterdi paıdalanýy. Sábizden sarǵysh reńkti, qyzylshadan qanyq qyzyl tústi, qyzanaqtan ashyq tústi makarondar jasaıdy. Mundaı tabıǵı qospalar taǵam sapasyn arttyryp qana qoımaı, balalardyń da tábetin ashady. Bul jerde ol eshqandaı hımııalyq boıaǵysh nemese jasandy qospa qoldanbaıdy.
Nına erekshe ónimderin tek Jetisý óńirinde emes, basqa aımaqtarǵa da jetkizýdi kózdeıdi. Sol úshin óndiristi keńeıtip, arnaıy seh ashyp, jańa jumys oryndaryn qurýdy armandaıdy. Bul jospar júzege assa, aýyldaǵy áıelderge, jastarǵa jańa múmkindik bereri anyq. Taǵy bir maqsaty – ulttyq dámdi saqtaı otyryp, zamanaýı tásilmen usyný. Dáriger-dıetolog Aıman Jumabekqyzynyń aıtýynsha, jabaıy sańyraýqulaqtardyń adam densaýlyǵyna tıgizer paıdasy kóp.
Nına Tıshkovanyń eńbegi – aýyl kásipkerligi men ekologııalyq ónim óndirisiniń naqty mysaly. Qazir álemde tabıǵı ári ekologııalyq taza taǵamdarǵa suranys artyp keledi. Bizde de bul baǵyttaǵy bastamalardyń qoldaý taýyp jatqany qýantady. Onyń ústine, shaǵyn kásiporyndar el ekonomıkasyn ártaraptandyrýǵa yqpal etedi. Al jabaıy sańyraýqulaqtan bastap túrli-tústi makaronǵa deıingi ónimder – sóz joq, Nına Tıshkovanyń shyǵarmashylyq izdenisiniń jemisi.
Jetisý oblysy
