Foto: Sý resýrstary jáne ırrıgasııa mınıstrligi
Almaty oblysynda 136 myń gektar jer sýarylyp, sharýalardyń qajetine 1,6 mlrd tekshe metr sý alyndy. Jetisýda 140 myń gektar egistik alqaptary sýarylyp, sý alý kólemi 1,2 mlrd tekshe metr boldy. Jambyl aımaǵynda shamamen 79 myń gektar jer sýaryldy, al sharýalarǵa Tasótkel sý qoımasynan jáne Shý, Talas ózenderinen barlyǵy 1 mlrd tekshe metr shamasynda sý alynǵan.
Qyzylorda óńirinde 3,5 mlrd tekshe metr sý paıdalanylyp, 125 myń gektar egistik jer sýarylǵan. Túrkistan oblysynda shamamen 400 myń gektar jerge sý berilip, jalpy kólemi 3,4 mlrd tekshe metr sý alyndy.
Sala mınıstri N.Nurjigitovtiń aıtýynsha ońtústik óńirlerde bıylǵy vegetasııa kezeńi kúrdeli klımattyq jaǵdaıda ótti. Soǵan qaramastan, mınıstrlik, jergilikti atqarýshy organdar jáne sharýalardyń úılesimdi jumysynyń nátıjesinde sýarý maýsymy turaqty ótti.
«Biz ońtústik óńirlerde sýdyń ádil bólinýin qamtamasyz etý úshin tórt jumys tobyn qurdyq. Sonymen qatar kanaldar arqyly sýdy kezekpen berý kesteleri bekitildi, sorǵy qondyrǵylary men tik drenaj júıeleri iske qosyldy, sý sharýashylyǵyndaǵy jaǵdaı turaqty baqylaýda boldy. Kollektorlyq-drenajdyq sý da qaıta paıdalanyldy», dedi N.Nurjigitov.
