Foto: egemen.kz/ Erlan Omar
Jyl basynan beri qarajat aınalymy 24 mlrd teńgeni quraıtyn 81 qolma-qol aqsha jasaıtyn top áshkerelenip, qylmystyq kiristerdi jylystatý shemalaryna tartylǵan 130 krıpto-bırjanyń qyzmeti toqtatylǵan.
Kóleńkeli óndiriske qarsy kúres aıasynda temeki jáne alkogol ónimderin shyǵaratyn 18 jasyryn seh joıyldy.
«Budan basqa, kóleńkeli aınalymnan jalpy quny 12 mlrd teńge bolatyn veıpter shyǵaryldy, bul zańsyz naryq aýqymyn aıtarlyqtaı qysqartýǵa múmkindik berdi. 17 mlrd teńgege munaı ónimderin zańsyz áketý toqtatyldy. 62 jasyryn kazıno joıyldy», dedi Qaırat Bıjanov.
QMA qurylys salasynda 242 mlrd teńgeden astam negizsiz shyǵyndardyń aldyn alǵan. Bul soma ótken jylmen salystyrǵanda alty esege kóp.
«Mundaı nátıjelerge qol jetkizý jobalyq-smetalyq qujattamalardaǵy materıaldardyń qunyn asyra baǵalaýdy anyqtaýǵa arnalǵan «AQIQAT» aqparattyq júıesiniń engizilýiniń arqasynda múmkin bolyp otyr», dedi Qarjy monıtorıngi agenttigi tóraǵasynyń orynbasary.
