Bıyl alty aıda Astanaǵa 735 myń týrıst kelgen. Onyń 177 myńy shetelden.
«Byltyrmen salystyrǵanda týrıster sany 13%-ǵa ósti. Qalada túrli konsertter men sharalar ótip jatyr. Mysaly, Djennıfer Lopestiń konsertine 12 myń, al Backstreet Boys konsertine 15 myń sheteldik keldi», dedi H. Ákimjanov.
Onyń aıtýynsha, Djennıfer Lopestiń konserti qala ekonomıkasyna úlken paıda ákeldi. Uıymdastyrýshylardan 600-800 mln teńge salyq túsken.
«Qonaqúı men meıramhanalardan túsken tabys jyl sońynda esepteledi. Aldyn ala esep boıynsha, konsertten 4 mlrd teńgeden astam paıda tústi. Backstreet Boys konserti boıynsha esepteý júrip jatyr», dedi basqarma basshysy.
Sondaı-aq ol jyl saıyn qalaǵa keletin týrıst sany 13-15%-ǵa ósip jatqanyn aıtty.
Aıta keteıik, Djennıfer Lopes Almatyda da konsert berdi. Ortalyq stadıonda ótken konsertke 27 myń adam jınaldy. Onyń ishinde 35 elden kelgen 7 myń sheteldik bolǵan. Almaty ákimdiginiń málimetinshe, konsertten túsken tabys 10 mlrd teńgeden asyp, 600 mln teńge salyq tólengen.
