Foto: gov.kz
Qazir jasandy ıntellekt elementteri bar sıfrlyq sheshimderdi bilim berý prosesine tájirıbelik turǵyda engizý synaqtan ótkizilip jatyr. Sabaqtar oqýshylardyń jas erekshelikterin eskere otyryp uıymdastyrylady. Bastaýysh synyptarda túsindirý oıyn jáne kórnekilik ádisteri arqyly júrgizilse, joǵary synyptarda oqýshylar chat-bottar qurý, derekterdi taldaý jáne etıkalyq jaǵdaılardy sheshý sııaqty jobalyq tapsyrmalardy oryndaıdy.
Mundaı sheshimder elimizdiń birneshe mektebinde, sonyń ishinde Astana qalasyndaǵy №101 «Keleshek mektebinde» pılottyq negizde qoldanysta. Bul mektepte jasandy ıntellektpen jumys isteýge arnalǵan zamanaýı sıfrlyq quraldar men ádister synaqtan ótip jatyr. Bilim berý ortasyna kezeń-kezeńimen Roqed AI, Aqyl, Google Workspace for Education jáne jasandy ıntellekt negizindegi Kahoot sııaqty sheshimder júzege asyrylady.
«Jasandy ıntellekt qazirgi tańda tek oqytý quraly ǵana emes, sonymen qatar muǵalimniń kómekshisi, oqýshynyń seriktesine aınalýda. Biz tehnologııalar oılaý, kommýnıkasııa jáne jeke jaýapkershilik daǵdylaryn damytýǵa qyzmet etetin bilim berý ortasyn qalyptastyryp jatyrmyz», dedi Y. Altynsarın atyndaǵy Ulttyq bilim akademııasynyń jetekshi sarapshysy Ásem Sarybekova.
Sondaı-aq, bilim berý uıymdaryna Y. Altynsarın atyndaǵy Ulttyq bilim akademııasy ázirlegen, jasandy ıntellektti qoldanýdyń etıkalyq standarttaryn qamtıtyn normatıvtik qujattar joldanǵan.
