Foto: pinterest.com
Onyń aıtýynsha, jańa kodeks tek qurylys normalaryn júıeleýmen shektelmeıdi, eń bastysy – adam ómiri men qaýipsizdigin basymdyqqa qoıady. Bul qujatta halyqtyń júrip-turýy shekteýli toptaryna qolaıly orta qalyptastyrý, qoǵamnyń qala qurylysy sheshimderine tikeleı qatysýy jáne aqparattyq úlgileý júıesin engizý syndy tetikter qamtylǵan.
Májilis talqysynda kodeks jobasyna 1700-den astam usynys túsip, jumys tobynyń talqylaýynda qyzý pikirtalas týdyrǵan.
Sarapshylardyń paıymynsha, jańa kodeks qurylys salasyndaǵy jaýapkershilik pen baqylaý tetigin kúsheıtip, seısmıkalyq aımaqtardaǵy nysandardyń qaýipsizdigin arttyrady. Sonymen birge, BIM úlgileý júıesin engizý arqyly jobalaý men qurylys-montaj úderisi ashyq ári tıimdi bolmaq.
«Osyǵan baılanysty Qurylys kodeksi men oǵan ilespe zań jobasyn birinshi oqylymda qoldaýlaryńyzdy suraımyz. Jumys toby zań jobasyn ekinshi oqylymǵa daıyndaý aıasynda óz jumysyn jalǵastyratyn bolady», dedi Murat Ábenov.
Jańa Qurylys kodeksi qabyldansa, elimizdegi qurylys ındýstrııasy qaýipsizdik, tıimdilik jáne ashyqtyqtyń jańa standartyna kóteriledi degen úmit bar depýtattarda.
