Kórme Qazaqstannyń eńbek sińirgen qaıratkeri, sýretshi Erbolat Tólepbaıdyń 70 jyldyq mereıtoıy men 50 jyldyq shyǵarmashylyǵyna arnaldy.
«О́nerim – izgilik mekeni» atty kórmede sýretshiniń shyǵarmashylyq joly men onyń túrli kezeńderin qamtıtyn, rýhanı jáne mádenı izdenisterin beıneleıtin týyndylar qoıylǵan.
Erbolat Tólepbaı álemniń ár elinde 38 jeke kórme ótkizip, halyqaralyq mádenı ortada zor bedelge ıe. 2024 jyly onyń eńbekteri qazirgi zamanǵy eń iri kórme – Venesııa bıennalesindegi Qazaqstan pavılonynda usynyldy.
Sýretshiniń tanymal týyndylarynyń qatarynda «Máńgilik el» trıptıhy («Tandyr», «Anarhaı», «Jas dala»), sondaı-aq Qazaq handyǵynyń 550 jyldyǵyna arnalǵan tarıhı trıptıh bar.
