foto: ashyq derekkóz
Solnechnyı kentine qarasty sharýa qojalyqtarynyń birinde turǵyn úı men ózge de sharýashylyq ǵımarattary janǵan.
- Kentten 7 shaqyrym jerdegi sharýa qojalyǵynyń ǵımarattary janyp jatqany týraly habarlama búgin saǵat 06.34-te kelip tústi. Oqıǵa ornyna jedel túrde tótenshe jaǵdaı departamentiniń kúshteri men órt sóndirý quraldary, Ekibastuz GRES-2 stansasynyń órtke qarsy qurylymdary, Solnechnyı kentiniń órt sóndirý beketi jumyldyryldy. Qutqarýshylar tilsiz jaýdy aýyzdyqtaý barysynda árqaısysy 27 lıtrlik 8 gaz ballonyn syrtqa alyp shyqty. Belgili bolǵandaı, órt jeke turǵyn úıdi tolyqtaı sharpyp, jaqyn mańdaǵy sharýashylyq ǵımarattaryna taralǵan. Jalpy aýdany 930 sharshy metr aýmaqty quraǵan, - dep habarlady óńirlik tótenshe jaǵdaılar departamentinen.
Oqıǵa kezinde úıde 7 adam bolǵan. 1972 jyly týǵan er adam syrtqa óz betimen shyǵyp úlgergen. Qutqarýshylar oqıǵa ornynan (úı ishinen) 6 adamnyń denesin tapqan. Marqumdardyń jeke bastary anyqtalyp jatyr. Tergeý organdary qaıǵyly oqıǵanyń mán-jaıyn anyqtaýǵa kiristi. Zardap shekken adam emdeý mekemesine jetkizilip, qajetti em-dom kórsetilýde.
Tótenshe jaǵdaı departamenti qaıtys bolǵandardyń barlyǵy eresek ekenin, aralarynda balalar bolmaǵanyn málimdedi.
О́rtti sóndirýge qutqarýshylardyń jeke quramynan 30 adam jáne 10 tehnıka qatysqan.
Pavlodar oblysy
