Kollajdy jasaǵan – Qonysbaı ShEJIMBAI, «EQ»
«Pavlodar» arnaıy ekonomıkalyq aımaǵynyń ınvestısııalyq portfeli – 541 mlrd teńge. Onda 36 qatysýshy tirkelgen jáne aldaǵy 5 jylda metall konstrýksııa, polımer túıirshigi, sellıýloza, joǵary kerneýli ızolıator jáne basqa da ónimder shyǵaratyn jobalar iske asyrylady. Arnaıy ekonomıkalyq aımaqtyń tıimdiligin arttyrý úshin qatysýshylardyń óz mindettemesin oryndaýy boıynsha baqylaýdy kúsheıttik, jobalardy irikteý krıterıılerin keńeıtý boıynsha sharalar qabyldap jatyrmyz», deıdi oblys ákiminiń orynbasary Áıgerim Qabyltaeva.
Ekibastuzda jalpy qýattylyǵy 460 myń tonna bolatyn 3 ferroqorytpa zaýyty salynyp jatyr. Ekeýi jyl sońyna deıin iske qosylady. Kenshiler qalasynyń mańynda bıyl bolashaq elektr metallýrgııa zaýytynyń kapsýlasy salyndy. Joba taý-ken metallýrgııa keshenin damytýǵa tyń serpin beretinin atap ótý kerek. «Pavlodar» arnaıy ekonomıkalyq aımaǵynda (AEA) quramynda altyny bar joǵary kómirtekti sýlfıdti konsentrattardy qaıta óńdeý jobasy, suıytylǵan munaı gazyn paıdalaný jobasy iske asyp otyr. Buǵan qosa jylyna 97 myń tonna alkılat shyǵaratyn jańa zaýyt iske qosylady. «Alkılat» zaýyty ekologııalyq talaptarǵa saı K5 klasyndaǵy taýarlyq benzın óndirisinde joǵary oktandy komponentti alý úshin paıdalanylady.
О́ńirlik kásipkerlik jáne ındýstrııalyq-ınnovasııalyq damý basqarmasynyń basshysy Lıýdmıla Kýrmanovanyń dereginshe, jyl qorytyndysy boıynsha Ertis – Baıan óńiriniń túrli salasyna 1 trln teńgeden astam ınvestısııa quıylady dep boljanyp otyr.
«Investısııalardyń basym bóligi (53%-y) ónerkásip salasyna, onyń ishinde óńdeý jáne taý-ken óndirý ónerkásibine tıesili. Taǵy 19%-y aýyl sharýashylyǵyna, sondaı-aq 16%-y kólik jáne qoımalaý salalaryna qatysty. Pavlodar oblysynda óńdeý jáne taý-ken ónerkásibi kásiporyndary, baı mıneraldy-shıkizat bazasy, damyǵan energetıkalyq ınfraqurylym shoǵyrlanǵan. Investorlar úshin bul eń áýeli energııaǵa jumsalatyn shyǵyndardyń arzandyǵyn bildiredi», deıdi basqarma basshysy.
Mamandar kólik jáne qoımalaý salasyndaǵy ınvestısııalardyń óse túsýine oblystyń negizgi kólik dálizderiniń qıylysynda ornalasýy sebep deıdi. Oblys Reseımen shekaralas, bizdiń óńir arqyly shetel kompanııalary Qazaqstannyń ishki naryǵyna qol jetkizip, Qytaıǵa shyǵa alady. Osy rette logıstıkalyq ortalyq, termınal, qoıma jáne ınfraqurylymdyq jobalarǵa suranys artyp keledi. Investorlar muny taýar aǵynyn ulǵaıtý jáne halyqaralyq saýdany damytý arqyly aqsha tabý múmkindigi dep esepteıdi. О́ńirge qarjy quıyp otyrǵan eń belsendi elder – Qytaı, Reseı, Túrkııa, Germanııa jáne Fransııa.
Aımaqtyń ınvestısııalyq jobalar pýly 2032 jylǵa deıingi iske asyrý kezeńimen eseptegende 100-den astam jobany quraıdy. Jıyntyq quny – 7 trln teńge. Negizgi kapıtalǵa ınvestısııa kólemi jóninen óńir elimizdegi úzdik 10 aımaqtyń qataryna engen. Salynǵan ınvestısııa esebinen jyl basynan beri 500-ge jýyq jumys orny qurylǵan. Al shetel qarajatynyń quıylýymen tek byltyr jalpy quny 20,4 mlrd teńge bolatyn 5 joba iske qosylǵan. Olar – jıhaz, alıýmınıı jáne bımetall radıatorlaryn óndirý (akkýmýlıatorlardy qaıta óńdeý), elektrmen dánekerlengen túzý tigisti qubyrlardy shyǵaratyn zaýytty jańǵyrtý jáne sút-taýar fermasyn salý jobalary.
Bıyl Pavlodar óńiri agroónerkásiptik keshenge salynǵan ınvestısııa kólemi boıynsha respýblıkada ekinshi orynǵa shyqty. Aýyl sharýashylyǵy basqarmasy basshysynyń orynbasary Álibek Qalenovtiń aıtýynsha, aımaqta jalpy somasy 38,4 mlrd teńge bolatyn 25 joba (qaıta óńdeý kásiporyndary, aýyl sharýashylyǵy ónimderin saqtaý nysandary jáne sýarmaly jerler) daıyn tur. Olardyń iske qosylýy nátıjesinde 125 jańa jumys orny ashylady dep josparlanǵan.
Pavlodar oblysy
