Mysaly, búgin almatylyqtar shańǵy men snoýbordtyń ornyna, kúrek, ketpenin alyp «Shymbulak» kýrortyna kóterilip, "Shyrshaly" jobasyna qosyldy.
Kishi Almaty shatqalyn shyrshamen kómkerýdi kózdeıtin atalmysh kýrorttyń ekologııalyq bastamasyna Ile Alataýy memlekettik ulttyq tabıǵı parki, Medeý tabıǵı saıabaǵy men ózge de erekshe qorǵalatyn tabıǵı aýmaqtardyń ókilderi, ekologtar men qoǵam qaıratkerleri qatysty.
Saýapty bastama Ile Alataýy memlekettik ulttyq tabıǵı parkimen tyǵyz áriptestikte júzege asyrylyp jatyr.
– О́zderińiz bilesizder, 2011 jylǵy qatty daýyl taýlarymyzdyń ekojúıesi men tabıǵı kelbetine orasan shyǵyn keltirdi. 80 myńnan astam aǵash qulap, onyń ornyn toltyrý jumystary áli kúnge deıin tolyq aıaqtalǵan joq. Biz tabıǵat tepe-teńdigin qalpyna keltirýge óz úlesimizdi qosqymyz keletindikten, búgin bul isti óz úıimizden – «Shymbulak» kýrorty aýmaǵynan bastadyq. Al aldaǵy jyldary joba Kishi Almaty shatqalynyń basqa da osal aımaqtaryn qamtıtyn bolady, – deıdi «Shymbulak» taý kýrortynyń bas dırektory Rınat Abdrahmanov.
Sonymen bıyl uzaqmerzimdi "Shyrshaly" bastamasyme «Shymbulak» taý kýrortynyń aýmaǵynda 500 tıan-shan shyrshasynyń kósheti otyrǵyzylmaq.
– Ile Alataýy ulttyq parkiniń aýmaǵynda «Shymbulak» taý kýrortymen birlesip Shrenk shyrshasyn otyrǵyzý jobasyn júzege asyryp jatyrmyz. Bıyl bir gektar aýmaqta 500 shyrsha kósheti otyrǵyzylady. Osy mańyzdy iske atsalysqan barlyq qatysýshylarǵa, sondaı-aq bastama kóterip, seriktestik ornatqan «Shymbulak» kýrortynyń basshylyǵy men ujymyna shynaıy alǵysymdy bildiremin, – dedi Ile Alataýy ulttyq tabıǵı parkiniń bas dırektory Elnur Ahmetov.
Degenmen, bul aýmaqqa tıan-shan nemese Shrenk shyrshalary ǵana otyrǵyzylady. О́ıtkeni, olar bıik taýly aımaqtyń tabıǵı jaǵdaıyna jaqsy beıimdelgen, óńirdiń florasynyń ajyramas bóligine aınalǵan aǵashtyń túrleri. Tıan-shan shyrshasy – 40 metrden asatyn, 300 jylǵa deıin ómir súre alatyn erekshe aǵash. Alaıda, jylyna orta eseppen 10–15 santımetr ǵana, óte baıaý ósedi.
– Biz tabıǵatty qorǵaý, ekologııalyq aǵartý men ǵylymı zertteý baǵyttarynda úlken jumys atqaryp júrgen Ile Alataýy ulttyq parkimen tyǵyz yntymaqtastyqta jumys isteımiz. Park mamandarymen birge otyrǵyzýǵa laıyq aımaqtardy zerttep, aldaǵy is-qımyl josparyn kelistik, – deıdi "Shyrshaly" jobasynyń jetekshisi Mahambet Abdýllaev.
